ભૂલો ભલે બીજું બધું

ભૂલો ભલે બીજું બધું, 

મા બાપને ભૂલશો નહીં

અગણિત છે ઉપકાર એના, 

એહ વિસરસો નહીં.. 

અસહ્ય વેઠી વેદના ત્યારે,

દીઠું તમ મુખડું 

એ પુનિત જનનાં કાળજાં,

પત્થર બની છુંદશો નહીં..

કાઢી મુખેથી કોળિયા,

મોંમાં દઈ મોટા કર્યા 

અમૃત તણાં દેનાર સામે,

ઝેર ઊગળશો નહીં..

લાખો લડાવ્યા લાડ તમને,

કોડ સૌ પુરા કર્યા 

એ કોડના પુરનારના,

કોડ પૂરવા ભૂલશો નહીં.. 

લાખો કમાતા હો ભલે,

મા બાપ જેના ના ઠર્યા 

એ રાખ નહીં પણ લાખ છે,

એ માનવું ભૂલશો નહીં.. 

સંતાનથી સેવા ચહો,

તો સંતાન છો સેવા કરો 

જેવું કરો તેવું ભરો,

એ ભાવના ભૂલશો નહીં.. 

ભીને સૂઇ પોતે અને,

સુકે સુવાડયા આપને 

એની અમીમય આંખને,

ભૂલીને ભીંજવશો નહીં.. 

પુષ્પો બિછાવ્યાં પ્રેમથી,

જેણે તમારા રાહ પર 

એ રાહબરના રાહ પર,

કંટક કદી બનશો નહીં.. 

ધન ખરચતાં મળશે બધું,

માતા પિતા મળશે નહીં

એનાં પુનિત ચરણો તણી,

ચાહના ભૂલશો નહીં..

 

[posts--tag:Prarthana Pothi--25]